Kontzertuen aurre salmentak   

AURRESALMENTAK AGORTUTA!

⚠️ 500 sarrera 12 eusko/€tan salgai tokian berean 19:30tik goiti

   Eguneko egitaraua   

Egun osoan, molde jarraikian, 10:00etatik 19:00etara

Laborarien eta artisauen merkatua, eta jantzi hustea (izen ematea) tokiko moneta erabiltzeko, kalitatezko tokiko produktuak salerosiz eta bigarren eskuko produktuak berrerabiliz!
Elkarteen herrixka
Jatekoa eta edatekoa: fritak, matahamiak eta taloak (xingarra, mistoa edo begetarianoa).
Haurren xokoa: lasai egoteko (xatarrak aldatzeko, jateko) eta aktibitateen bidez jostatzeko leku goxoa.

🌧️ Euria bada, merkatu estalian eta trinketean antolatuko da dena.

Orduz ordu egitaraua

10:00 – Haurrendako animazioak, Elkarteen herrixkan, 19:00ak arte
10:00 – «Iratxo gorriaren bila» pista jokoak, 12:30ak arte
10:30 – Ezpeletako bisita gidatua, abiatzea Patronaiaren salatik
11:00 – Hitzaldia – Patronaiaren salan (ikus laukia)
11:00 – Escape street: asmakariak eta desafioak herrian barna – Abiatze bat baino gehiago 13:00ak arte
11:00 – Euskarako lehen irakaspenak
11:00 – Ibilaldiak asto bizkarrez, 18:00ak arte
12:00 – Laborarien gosari-bazkaria eta herriko jatetxeen pintxoak
13:00 – Herrian Kantuz txaranga
13:30 – Hazi-bonbak egiteko tailerrak, 16:00ak arte
14:00 – Kermezako jokoak, 19:00ak arte
14:00 – Mahai futbol erraldoia, 19:00ak arte
14:00 – Escape street: asmakariak eta desafioak herrian barna – Abiatze bat baino gehiago 16:00ak arte
14:30 – Herri kirolak Gaiarekin, 16:30ak arte
16:00 – Gurashowren kontzertua – Patronaiaren salan (4 eusko/€, 12 urtez behereko haurrentzat ; 7 eusko/€, helduentzat)
17:30 – Badoa dantza-ikuskizuna, Neskena taldeak emanik – Postetxearen aitzinean
18:30 – Harrapari baten laxatzea, Hegalaldia elkartearekin
19:00 – Mutxiko eta aperitifa, Mutxi’Kool txarangak animaturik, 20:30ak arte
21:00 – Xiberoots (Reggae, Maule)
22:30 – Gatibu (Rock, Gernika)
00:00 – DJ Üzkülüz
02:00 – Afterra DJ Lilz eta DJ Txupirekin, 05:00ak arte – Ñapurrak gelan

🚌 Joan-jinkaria urririk, gauerditik goiti, inguruko hiri eta herrietara.
⛺ Kanpalekua urririk lekuan berean.

   Hitzaldia   

« Tokiko monetak: ekintza publikoari zentzu gehiago emateko eta lurraldearekiko lotura sendotzeko tresnak »
11:00 – Patronaiaren salan

Eta tokiko monetak ekintza publiko engaiatuagoen eta herritarrengandik hurbilagoen aldeko giltza balira? Tokiko monetak, 2014az geroztik legean integratuak dira, tresna konkretuak dira tokiko ekonomia sostengatu, hurbileko merkataritza dinamizatu eta praktika arduratsuagoak bultzatu nahi dituzten elkargoentzat. Euskal Herrian, 38 herriko etxeek eta Euskal Elkargoak Euskoa erabiltzen dute tokiko politiken garatzeko. Hitzaldi horretan, tokiko moneten esperimentazioan eta laguntzan diharduten hainbat aditu eta hautetsi bilduko dira :

Mathieu Kayser – Biarritzeko auzapez ordea
Jean-Baptiste Thony – Bordeleko Herriko Etxeko kontseilari delegatua
Anne-Laure Federici – Ekonomia Solidarioaren aldeko Lurralde Elkargoen Sareko (RTES) ordezkari nagusia
Isabelle Bagdassarian, “Lurraldeko eta baterako ekintza publikoa, tokiko gobernantza berritu baterantz?” tesiaren egilea

   Kontzertuak   

Aurtengo edizioa azkarki aberastu dugu, eguneko egitarauari gaualdi bikaina gehituz: urte bukaeran jotzeari utziko diola iragarri duen Gatibu taldea izanen da Eusko Eguneko afixa burua! Gernikako laukotearekin batera, Xiberoots taldeko zuberotarrak ere ariko dira beren azken diskoa aurkezten, eta, gaualdia ederki bururatzeko, DJ Üzkülüz!

21:00 – XIBEROOTS
22:30 – GATIBU
00:00 – DJ ÜZKÜLÜZ

⚠️ 500 sarrera 12 eusko/€tan salgai tokian berean 19:30tik goiti

   Laguntzaileak   

300 lan txanda baino gehiago bete behar ditugu: egunean berean bistan da, baina baita gertakaria baino lehenago eta geroago ere!

Laguntzaile izan

   Partaideak   

ESKERRAK BIHOTZ-BIHOTZETIK gertakari honetan eta urte osoan sostengatzen gaituzten partaideei: